«ԶԱՐԹՕՆՔ», ՊԷՅՐՈՒԹ – Անցած տարի Հայաստանի Հանրապետութեան երկու օդակայաններուն ուղեւորահոսքը կազմած է 2 856 673 ուղեւոր, որ 11.9 տոկոսով կը գերազանցէ 2017 թուականի ցուցանիշը:
Ինչպէս կը հաղորդէ «Արմէնփրես»-ը, «Արմէնիա միջազգային օդակայաններ» ՓԲԸ-էն կը տեղեկացնեն, որ 2018 թուականին «Զուարթնոց»-ի մէջ ուղեւորահոսքը աւելցած է 10 տոկոսով: Եթէ 2017 թուականին «Զուարթնոց» միջազգային օդակայանի ծառայութիւններէն օգտուած է 2,448,251 ուղեւոր, ապա 2018 թուականին այդ ցուցանիշը կը կազմէ 2,690,727 ուղեւոր:
2018 թուականին Կիւմրիի «Շիրակ» օդակայանին մէջ ուղեւորահոսքը կազմած է 165,946 հոգի: 2017 թուականի 105,664 ուղեւորահոսքի համեմատ աճը կազմած է 57 տոկոս:
«Զուարթնոց» եւ «Շիրակ» օդակայաններուն մէջ 2018 թուականի Յունուար-Դեկտեմբեր ամիսներուն, նախորդ տարուան համեմատ, 9.8 տոկոսով աճ գրանցած են նաեւ թռիչք- վայրէջքերը:
