«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան մէջ սուր շնչառական վարակներու եւ կրիբի առումով իրավիճակը օրինաչափ է, բնորոշ՝ եղանակին: Ըստ օրական իրականացուող մշտադիտարկումի արդիւնքներուն` Յունուար 8-ի դրութեամբ արձանագրուած է 642 դիմելիութիւն համաբուժարանային կազմակերպութիւններ: Առողջապահութեան նախարարութենէն տեղեկացուցին, որ Յունուար 8-ի դրութեամբ հանրապետութեան հիւանդանոցները տեղափոխուած է սուր շնչառական վարակներով 597 հիւանդ: Արձանագրուած դէպքերու 96%-ն արձանագրուած է երեխաներուն մօտ: Ինչ կը վերաբերի սուր շնչառական վարակներով պայմանաւորուած շտապ օգնութեան կանչերուն, ապա արձանագրուած է 130 կանչ: Իրականացուած հետազօտութիւններու արդիւնքներու համաձայն` հանրապետութեան մէջ կը շրջանառէ կրիբի Ա տեսակի H1N1 ենթատեսակը:
Առողջապահութեան համաշխարհային կազմակերպութեան տուեալներուն համաձայն` եւրոպական տարածաշրջանի երկիրներուն մէջ կը շարունակուի կրիբի եւ սուր շնչառական վարակներու արձանագրումը: Տարրալուծարան հաստատուած կրիբի դէպքերու 99,6%-ը պայմանաւորուած է կրիբի Ա (H1N1 եւ H3N2 ենթատեսակ) եւ 1%-ը Բ-տեսակներով: Նոյն իրավիճակը կը դիտուի տարածաշրջանի երկիրներուն մէջ:
