«ԶԱՐԹՕՆՔ», ՊԷՅՐՈՒԹ – Հանրապետութեան նախագահ Արմէն Սարգսեան Դեկտեմբեր 30-ին այցելած է Հայաստանի ազգային հերոս, սպարապետ Վազգէն Սարգսեանի ընտանիքին: Նախագահը ծաղիկներ խոնարհած է Վազգէն Սարգսեանի մօր՝ Կրեթա Սարգսեանի շիրիմին:
Ինչպէս կը հաղորդէ «Արմէնփրես»-ը, Հայաստանի Հանրապետութեան նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութենէն կը տեղեկացնեն, որ այնուհետեւ ընտանեկան ջերմ միջավայրի մէջ ան անմիջական զրոյց ունեցած է Վազգէն Սարգսեանի հօր՝ Զաւէն Սարգսեանի եւ եղբայրներուն՝ Արմէն եւ Արամ Սարգսեաններուն հետ, ընտանիքի բոլոր անդամները շնորհաւորած է գալիք տօներուն առթիւ:
