Շաբաթ, 13. 07. 2024

spot_img

«Ամանորը Եւ Սուրբ Ծնունդը» (լուսանկարներ)

Կեանքը Պէյրութի Վահան Թէքէեան Վարժարանէն Ներս

Տարեվերջի եւ տարեմուտի այս օրերուն, անցնող տարին ճամբու պիտի դնենք մեր արձանագրած  ձեռքբերումներով, ինչպէս նաեւ գալիք տարին պիտի դիմաւորենք աւելի լաւ ակնկալիքներով՝ կրկնապատկելով մեր ջանքերն ու կարողութիւնները աւելի լաւ ապագայի մը համար:

Ամանորի եւ Ս. ծննդեան տօներուն առթիւ Ա.էն 6րդ դասարաններու աշակերտները Պուրճ Համուտի քաղաքապետարանի հրաւէրով  ներկայ գտնուեցան «Fantastic World Show»ի կազմակերպած գեղարուեստական յայտագիրին, որ տեղի ունեցաւ Չորեքշաբթի, 12 Դեկտեմբեր 2018ին Միշէլ Մըրի մարզահամալիրի սրահին  մէջ: Իսկ  Հինգշաբթի, 20 Դեկտեմբեր 2018ին վարժարանիս Յակոբ Պարսամեան սրահին մէջ անոնք ըմբոշխնեցին «Samaritans» կրօնադաստիարակչական կազմակերպութեան  ներկայացուցած՝  Յիսուսի ծնունդը խորհրդանշող  թատերախաղը: Նոյն օրը «Smile In A Box» բարեսիրական կազմակերպութեան անդամները, ընկերակցութեամբ ընկ. Արա Թերզեանի, մանկապարտէզի եւ նախակրթարանի դասարանները շրջելով նուէրներ բաժնեցին բոլորին:

Ուրբաթ, 21 Դեկտեմբեր 2018ի  առաւօտուն, աշակերտները   ուղղուեցան Սրբոց Վարդանանց եկեղեցի, ուր տէր Օշին քահանայ Գէորգեան աշակերտներուն յղեց Ս. ծննդեան պատգամը, որմէ ետք անոնք  հաղորդուեցան Յիսուսի արեամբ ու մարմնով: Դպրոց վերադառնալէ ետք Ա.էն 4րդ դասարաններու աշակերտները ուղղուեցան Mc Donald’s, ուր տեղի ունեցաւ Կաղանդի նուիրուած յատուկ աշակերտական խրախճանք, հրամցուեցաւ ճաշ «Ժպիտ» կազմակերպութեան կողմէ: Իսկ նախ. Ե.էն միջն Գ. դասարաններու աշակերտները հաճելի ժամեր անցուցին City Centerէն ներս՝ դիտելով «The Grinch» ֆիլմը, ապա ճաշելով Mc Donald’sի մէջ, դարձեալ շնորհիւ «Ժպիտ» կազմակերպութեան  նիւթաբարոյական օժանդակութեան:

Իսկ մանկապատէզի Կաղանդի տօնակատարութիւնը ունէր տարբեր բնոյթ: Փոքրիկները իրենց ուսուցչուհիներուն ընկերակցութեամբ ուղղուեցան դէպի Santa’s Factory In-Action 2018 «The First Noel», Պէյթ Միսք շրջանը գտնուող Parkը, ուր մասնակցեցան Կաղանդի յատուկ ծրագրին: Անոնք Կաղանդ պապուկի առաջնորդութեամբ ծանօթացան անոր տան ներքին մասերուն, միասին ձեռային պատրաստեցին, երգեցին Կաղանդի տաղեր, նամակ գրեցին Կաղանդ պապուկին, նաեւ դիտեցին Կաղանդը խորհրդանշող տեսերիզ մը: Ծրագրի աւարտին հրամցուեցաւ ճաշ՝ ազգային բարերարի նիւթաբարոյական օժանդակութեամբ: Դպրոց վերադարձին բաժնուեցան նուէրներ Պուրճ Համուտի քաղաքապետարանի կողմէ: Փոքրիկները իրենց հետ տարին նաեւ նախօրօք պատրաստուած ձեռայիններ: Նոյն օրը, վարժարանիս ծնողաց յանձնախումբին կողմէ բաժնուեցան նուէրներ մանկապարտէզի, նախակրթարանի եւ միջնակարգի բոլոր աշակերտներուն անխտիր: Վարձքը կատար բոլորին:

Ջերմօրէն կը շնորհաւորենք ձեզ Ամանորի եւ Սբ. ծննդեան տօներուն առթիւ՝ մաղթելով, որ 2019 թուականը ըլլայ խաղաղութեան եւ յառաջընթացի տարի մը բոլորիս համար:

Վահան Թէքէեան Վարժարանի        

Լրատուական Գրասենեակ

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին