«ԶԱՐԹՕՆՔ», ՊԷՅՐՈՒԹ – Ուրբաթ մայրաքաղաք Պէյրութ ականատես եղաւ տեղատարափ անձրեւի, մինչ ծովու մակերեսէն 1200 մեթր բարձր շրջանները՝ առատ ձիւնի:
Թէեւ Պէյրութի մէջ ձիւն չտեղաց, սակայն եղան 180 մմ-ի տեղումներ՝ համեմատած անցեալ տարուան նոյն օրուան 150.7 մմ-ին՝ ըստ Ռաֆիք Հարիրի միջազգային գերատեսչութեան օդերեւութաբանական բաժնի եղանակային կանխատեսումներուն: Սեպտեմբերէն մինչեւ այսօր Պէյրութի մէջ տեղումները ընդհանուր առմամբ հասած են 321.6 մմ-ի՝ 6 մմ աւելի քան նախորդ տարիներու միջինը:
Շաբաթավերջին, դարձեալ անձրեւ կը նախատեսուի մայրաքաղաքին մէջ:
