«ԶԱՐԹՕՆՔ», ՊԷՅՐՈՒԹ – ՀՀ վարչապետի պաշտօնակատար Նիկոլ Փաշինեան երէկ Ռուսաստանի Դաշնութիւն աշխատանքային այցի ծիրէն ներս Մոսկուայի մէջ հանդիպում ունեցաւ ՌԴ նախագահ Վլատիմիր Փութինի հետ: Ինչպէս «Արմէնփրես»-ին տեղեկացուցած են ՀՀ վարչապետի աշխատակազմի տեղեկատուութեան և հասարակայնութեան հետ կապերու վարչութենէն, զրուցակիցները քննարկեր են Հայաստանի և Ռուսաստանի միջև երկկողմ ու բազմակողմ ձևաչափով համագործակցութեան օրակարգին վերաբերող հարցեր: