«ԶԱՐԹՕՆՔ», ՊԷՅՐՈՒԹ – Թուրքիոյ իշխող «Արդարութիւն եւ զարգացում» (ԱԶԿ) կուսակցութեան խօսնակ Օմեր Չելիքը յայտնած է, որ Սուրիոյ հարցով Ռուսիոյ եւ Թուրքիոյ պատուիրակութիւններուն միջեւ քննարկումները տեղի կ’ունենան Մոսկուայի մէջ:
Այս մասին, ինչպէս կը հաղորդէ «Արմէնփրես»ը, կը յայտնեն թրքական լրատուամիջոցները:
Թուրքիայէն պաշտօնեաներու պատուիրակութիւնը Մոսկուա պիտի մեկնի Դեկտեմբեր 29ին:
Թրքական պատուիրակութեան մէջ պիտի ըլլան երկրի ազգային հետախուզական ծառայութեան ղեկավար Հաքան Ֆիտանը, ՊՆ նախարար Հուլուսի Աքարը եւ նախագահի խօսնակ Իպրահիմ Քալընը:
Տեղեկութեան համաձայն՝ հաւանական է, որ 2019 թուականի սկիզբը Սուրիոյ հարցով հանդիպում ունենան նաեւ ՌԴ նախագահ Վլատիմիր Փութինը եւ Թուրքիոյ նախագահ Ռեճեփ Թայիփ Էրտողանը:
