Բազմավաստակ կրթական մշակ, նուիրեալ մանկավարժ, ուսուցչուհի եւ տնօրէնուհի, լիբանանահայ կրթական ասպարէզի երկարամեայ անձնդիր անհատականութիւն հանդիսացող հանգուցեալ օրդ. ԱՆԺԷԼ ՃԱՆՃԱՆԵԱՆի վաստակին անդրադարձող յատուկ յաւելուած մը կը փափաքի հրատարակել «Զարթօնք»՝ գրաւոր յիշատակ մը ձգելու այս օրինակելի անձնաւորութան մասին:
Հետեւաբար, կը հրաւիրենք բոլոր անոնք որոնք իբրեւ բարեկամ, լծակից, աշակերտ, ուսուցիչ կամ պաշտօնակից գործեցին իրեն հետ, որ յուշով, վերլուծական տողերով, մանրապատումներով թէ նկարագրական տողերով իրենց սրտի գրաւոր խօսքը ըսեն նոր սերունդի առողջ դաստիարակութեան նախանձախնդիր այս հայուհիին մասին:
Նկարներով (եթէ կան) հարստացուած նիւթերը մեզի պէտք է հասնին մինչեւ 15 Յունուար 2019: Նիւթերը կարելի է ղրկել zartonkadl@gmail.com:
