«ԶԱՐԹՕՆՔ», ՊԷՅՐՈՒԹ – Թուրքիոյ նախագահ Ռեճեփ Թայիփ Էրտողան Միացեալ Նահանգներու գործընկերը՝ Տոնալտ Թրամփը, հրաւիրած է Անգարա: Ինչպէս կը հաղորդէ «Արմէնփրես»ը՝ վկայակոչելով թրքական «Անատոլու» գործակալութիւնը, այս մասին յայտնած է Թուրքիոյ նախագահի խօսնակ Իպրահիմ Քալընը:
Ան յայտնած է, որ նման պայմանաւորուածութիւն ձեռք բերուած է Դեկտեմբեր 14ին Էրտողանի ու Թրամփի միջեւ կայացած հեռախօսազրոյցի ժամանակ:
«Վերջին հեռախօսազրոյցի ժամանակ Էրտողան Թրամփը հրաւիրած է Թուրքիա: Թրամփ ըսած է, թէ հաւանական է, որ այցելէ 2019 թուականին»,- յայտնած է Քալընը:
