«ԶԱՐԹՕՆՔ», ՊԷՅՐՈՒԹ – Թուրքիան Սուրիոյ մէջ նոր գործողութիւններ սկսելու վերաբերեալ նախագահ Ռեճեփ Թայիփ Էրտողանի յայտարարութենէն ետք սկսած է համալրել եւ ամրապնդել Սուրիոյ հետ սահմանին գտնուող զօրամիաւորումները: Այս մասին, ինչպէս կը հաղորդէ «Արմէնփրես»ը, կը յայտնէ թրքական «Անատոլու» լրատուական գործակալութիւնը:
Տեղեկութեան համաձայն՝ զրահամեքենաներն ու ռազմական սարքերը հասած են թուրք-սուրիական սահմանի Կազիանթէպ նահանգ, ուրկէ պիտի տեղաշարժին դէպի Հաթայի նահանգ:






