«ԶԱՐԹՕՆՔ», ՊԷՅՐՈՒԹ – Նախագահ Միշէլ Աուն կը հաւաստիացնէ, որ նոր կառավարութեան կազմաւորումը մօտալուտ է: Այս մասին հաղորդեց նախկին վարչապետ Նաժիպ Միքաթի Պաապտայի պալատին մէջ նախագահին հետ հանդիպումէն ետք:
Աուն հաստատեց նաեւ, որ պիտի սահմանուի աշխատանքային օրացոյց կառավարութեան կազմաւորումէն անմիջապէս ետք:
Յիշեցնենք, որ Հինգշաբթի ֆինանսներու նախարար Ալի Հասան Խալիլ «Reuters» գործակալութեան հետ զրոյցի ժամանակ ըսաւ, թէ նոր կառավարութեան կազմաւորումը ամենայն հաւանականութեամբ պիտի իրականանայ մինչեւ Ամանոր: Ան աւելցուց, որ այնուհետեւ կարելի պիտի ըլլայ հանգուցալուծել Լիբանանի առջեւ ծառացող տնտեսական շարք մը թնճուկներ:
Աուն Կ’երաշխաւորէ Նոր Կառավարութեան Մօտալուտ Կազմաւորումը. Նաժիպ Միքաթի
