«ԶԱՐԹՕՆՔ», ՊԷՅՐՈՒԹ –Նախագահ Միշէլ Աուն սկիզբ դրաւ բանակցութիւններու նոր փուլի մը, որ միտուած է հանգուցալուծելու կառավարութեան կազմաւորման մէջ առկայ փակուղին: Նշենք, որ նախագահը առանձին հանդիպումներ ունեցաւ խորհրդարանի նախագահ Նապիհ Պըրրիի եւ վարչապետի պաշտօնակատար Սաատ Հարիրիի հետ:
«Շատ ճնշում կայ իրավիճակին վրայ: Փաստօրէն իրավիճակը նոյնն է, տակաւին որեւէ նկատառելի յառաջընթաց չի նկատուիր: Երկիրը պէտք ունի վերջնականապէս դուրս գալու այս բաւիղէն»,- Պաապտայի պալատին մօտ աղբիւր մը յայտնեց «The Daily Star»ին:
«Նախագահի նոր նախաձեռնութիւնը միտուած է լուծում գտնելու կառավարութեան ճգնաժամին՝ այս առումով Ազգային ազատ հոսանքի առաջնորդ Ժպրան Պասիլի ձախողած ջանքերէն ետք»,- աւելցուց աղբիւրը:
Աուն Հանդիպում Ունեցաւ Պըրրիի Եւ Հարիրիի Հետ Կառավարութեան Կազմաւորման Հարցի Լուծման Միտուած Նոր Նախաձեռնութեան Լոյսին Տակ
