«ԶԱՐԹՕՆՔ», ՊԷՅՐՈՒԹ – ԱՄՆի նախագահ Տոնալտ Թրամփի վարչակազմը կը քննարկէ ներգաղթեալներու համար մաքսի սահմանման հնարաւորութիւնը Միացեալ Նահանգներու տարածքին ապաստան ստանալու նպատակով դիմում տալու համար: Դեկտեմբեր 4ին այս մասին յայտնած է «BuzzFeed»ը՝ վկայակոչելով տարբեր աղբիւրներ, կը հաղորդէ «Արմէնփրես»ը:
Խօսքը կը վերաբերի տակաւին չհաստատուած փաստաթուղթին, զոր ընդունուելու պարագային կ’ենթադրէ 50 տոլարի չափով մաքսի գանձում համապատասխան խնդրագիր տալու համար, եթէ հայցորդը արդէն կը գտնուի ԱՄՆ: Ներկայիս այդ ընթացակարգը կ’իրականացուի անվճար:
Հրատարակութիւնը յիշեցուցած է, որ ԱՄՆի Քաղաքացիութեան եւ ներգաղթի ծառայութեան քննարկման ներկայացուած է ապաստան տրամադրելու շուրջ 300 հազար միջնորդութիւն, որոնց համար պէտք է 50 տոլար մաքս գանձուի, հաղորդած է «ԹԱՍՍ»ը:
