«ԶԱՐԹՕՆՔ», ՊԷՅՐՈՒԹ – Երէկ լիբանանեան բանակը նշեց, որ ամբողջապէս պատրաստ է արձագանգելու Իսրայէլի հետ սահմանային գիծի վրայ որեւէ հաւանական ճգնաժամի, բայց լիբանանեան կողմի պարագային իրավիճակը խաղաղ է եւ կայուն:
Նշենք, որ երէկ առաւօտեան կանուխ Իսրայէլ յայտարարեց, որ սկսած է ձեռնարկել անհրաժեշտ քայլերու՝ միտուած անցափակելու այն ներքնուղիները, որով, ըստ իսրայէլեան բանակի, Հըզպալլան յաջողած է անցնիլ հիւսիսային Իսրայէլ:






