Կիրակի, 2 Դեկտեմբեր 2018ին ներկայ եղայ ԹՄՄի Երիտասարդական նուագախումբի տարեկան համերգին՝ ղեկավարութեամբ սաքսոֆոնիստ Վիգէն Չալեանի (հալէպահայ): Հայերէն եւ ֆրանսերէն երգերու շատ լաւ կատարումով Ալիս Իփրաճեան արժանացաւ ունկնդիրներու արդար ու ջերմ գնահատանքին։ Կայուն ձայնով, ճշգրիտ երաժշտականութեամբ եւ յուզականութեամբ ունկնդիրին հաղորդեց երգերուն պատգամը, ինչ որ արհեստավարժ երգիչ–երգչուհիներէ ակնկալուածն է: Ընդհանուր ելոյթը առոյգ էր՝ շնորհիւ երգող ու նուագող երիտասարդ արուեստագէտներուն, որոնք իրենց վարժութիւնը կը պարտին իրենց ղեկավարին՝ արհեստավարժ երաժիշտ Վիգէն Չալեանին։ ԲԱՐԻ ԵՐԹ բոլոր մասնակիցներուն։
Յասմիկ Սանոսեան Թեմիզեան
