«ԶԱՐԹՕՆՔ», ՊԷՅՐՈՒԹ – Հանրապետութեան նախագահ Արմէն Սարգսեան հեռախօսազրոյց ունեցած է Վրաստանի նորընտիր նախագահ Սալոմէ Զուրապիշվիլիի հետ:
Ինչպէս կը հաղորդէ «Արմէնփրես»ը, Հայաստանի Հանրապետութեան նախագահի աշխատակազմի հասարակայնութեան եւ տեղեկատուութեան միջոցներու հետ կապերու վարչութենէն կը տեղեկացնեն, որ նախագահ Արմէն Սարգսեան շնորհաւորած է Սալոմէ Զուրապիշվիլին նախագահի պաշտօնին ընտրուելուն առթիւ եւ վստահութիւն յայտնած է, որ Հայաստանի եւ Վրաստանի միջեւ ձեւաւորուած բարեկամական ու գործընկերային յարաբերութիւնները կը շարունակեն յաջողութեամբ զարգանալ:
