«ԶԱՐԹՕՆՔ», ՊԷՅՐՈՒԹ – Արցախի Հանրապետութեան նախագահ Բակօ Սահակեան, Նոյեմբեր 30-ին, մասնակցած է Ոստիկանութեան ծառայողի օրուան նուիրուած տօնակատարութեան:
Արցախի Հանրապետութեան նախագահի աշխատակազմի տեղեկատւութեան գլխաւոր վարչութեան փոխանցած տեղեկութիւններով՝ նախագահը շնորհաւորած է ոստիկանութեան համակարգի աշխատակիցներն ու վեթերանները մասնագիտական տօնին առիթով, արժեւորած անոնց ծառայութիւնը, կանգ առած շարք մը խնդիրներու եւ ընելիքներու վրայ:
Ծառայողական պարտականութիւնները բարեխղճօրէն կատարելու, ծառայութեան ընթացքին բարձր արդիւնքներու հասնելու համար եւ մասնագիտական տօնին առիթով՝ երկրի ղեկավարը պետական պարգեւներ յանձնած է համակարգի խումբ մը աշխատակիցներու եւ մէկ աշխատակիցի շնորհած է ոստիկանութեան գնդապետի կոչում:
Տօնակատարութեան ներկայ եղած են ՀՀ ոստիկանութեան պետ Վալերի Օսիպեանը եւ պաշտօնատար այլ անձեր:
