«ԶԱՐԹՕՆՔ», ՊԷՅՐՈՒԹ – ԱՄՆի քոնկրեսի ծերակոյտը 29 Նոյեմբերին միաձայն բանաձեւ ընդունած է Քերչի նեղուցի իրադարձութիւններուն պատճառով Ռուսիոյ գործողութիւններու դատապարտումով: Այս մասին, ինչպէս կը հաղորդէ «Արմէնփրես»ը, ըսուած է երկրի օրէնսդիր մարմինի վերին պալատի կայքին մէջ:
«Ընդունուած է ծերակոյտի 709րդ բանաձեւը, որ կը դատապարտէ Քերչի նեղուցին մէջ Ռուսիոյ սադրիչ գործողութիւնները ուքրանական ռազմածովային ուժերուն դէմ»,- նշուած է ծերակոյտի կայքին մէջ: Բանաձեւի հեղինակներէն մէկը՝ Ռոն Ճոնսոնը (հանրապետական Ուիսքոնսինի նահանգէն), պատմած է, որ փաստաթուղթը կը բովանդակէ «նաւերը անյապաղ վերադարձնելու եւ կալանաւորուածները ազատ արձակելու կոչ»: Իր խօսքով՝ բանաձեւը «գրեթէ 50 համահեղինակ ունի ծերակոյտն մէջ», որուն տեղերը կը հասնին 100ի: Փաստաթուղթին մէջ նաեւ աջակցութիւն կը յայտնուի Քիեւի իշխանութեան:
Միացեալ Նահանգներու նախագահ Տոնալտ Թրամփ 29 Նոյեմբերին աւելի կանուխ ԱՄՆէն մեկնած է Արժանթին: Ինքնաթիռին մէջ ան որոշում ընդունած է չեղեալ յայտարարել գագաթնաժողովին Ռուսիոյ ղեկավար Վլատիմիր Փութինի հետ հանդիպումը՝ կապուած Քերչի նեղուցի իրադարձութիւններուն հետ, հաղորդած է «ԹԱՍՍ»ը:
