ՆՈՐ ՕՐ, ԼՈՍ ԱՆՃԵԼԸՍ.- արգարժան ատենապետ եւ անդամներ ՌԱԿ Արեւմտեան Ամերիկայի Շրջանային վարչութեան
Սիրելի ընկերուհիներ եւ ընկերներ,
Սրտի դառն կսկիծով ստացանք մահուան գոյժը գաղափարի նուիրեալ, խիզախ եւ հաւատաւոր ազգային-մտաւորական Ընկ Տոքթ Գէորգ Քեշիշեանի։
Հոգեհարազատ Տոքթ Քեշիշեանի մեկնումով լոսանճելըսահայ համայնքը մասնաւորաբար եւ Ռամկավար Ազատական Կուսակցութիւնը ընդհանրապէս կը կորսնցնեն ազգային խոր եւ աներեր գաղափարներու տէր, առաքինի երախտաւոր մը, որ վեց տասնամեակներէ աւելի ծառայեց ի նպաստ մեր հայրենիքի եւ ժողովուրդի գերագոյն շահերուն։
Այս տխուր առիթով կը խնդրենք, որ ընդունիք ՌԱԿ Կեդրոնական վարչութեան, ինչպէս նաեւ աշխարհասփիւռ մեր ամբողջ անդամակցութեան ցաւակցական անկեղծ զգացումները, զանոնք փոխանցելու համար նաեւ մեր ընկերոջ կողակիցին՝ Սէսիլին, զաւակներուն՝ Ալեքին եւ Ալինին եւ անոնց ընտանեկան պարագաներուն։
Տոքթ Գէորգ Քեշիշեանի հոգին թող միշտ ըլլայ լուսաշող անոր յիշատակը տեւապէս պիտի մնայ անթառամ բոլոր զինք ճանչցողներուն սիրտերուն մէջ։
Ի դիմաց ՌԱԿ Կեդրոնական վարչութեան՝
Սեւակ Յակոբեան Սերխիօ Նահապետեան
Ատենադպիր Ատենապետ
19 Նոյեմբեր 2018
