«ԶԱՐԹՕՆՔ», ՊԷՅՐՈՒԹ – Լիբանանի տնտեսական անյուսալի իրավիճակը քննարկումներու հիմնական թեման հանդիսացաւ Համաշխարհային դրամատան եւ լիբանանեան ղեկավարութեան միջեւ:
Վարչապետի պաշտօնակատար Սաատ Հարիրի շօշափեց տնտեսական բարեփոխումներու խնդիրը Մերձաւոր Արեւելքի եւ Հիւսիսային Ափրիկէի մէջ Համաշխարհային դրամատան փոխնախագահ Ֆերիտ Պըլհաժի եւ տարածաշրջանի ընդհանուր տնօրէն Սարոժ Քումար Ժհայի հետ: Այս մասին կը հաղորդեն Հարիրիի տեղեկատուական գրասենեակէն:
«Մենք վերահաստատեցինք Համաշխարհային դրամատան դիրքորոշումը վարչապետի պաշտօնակատար Սաատ Հարիրիին՝ նկատել տալով լուրջ բարեփոխումներ կատարելու անհրաժեշտութիւնը, մասնաւորաբար ուժաբանութեան եւ ելեկտրականութեան ոլորտին մէջ, որ ուղի պիտի հարթէ Լիբանանի մէջ ներդրումներու ներգրաւման»,- մէջբերուած է Պըլհաժի խօսքը:
Համաշխարհային Դրամատան Պաշտօնատարներու Հետ Բանակցութիւնները Կեդրոնացան Տնտեսական Բարեփոխումներու Վրայ
