Երկուշաբթի, 09. 06. 2025

spot_img

Արցախի Գրիգոր Նարեկացի Համալսարանի Եւ Մաշտոց Գոլէճի Միջեւ Համագործակցութեան Ծրագիր

Վերջերս յատուկ առաքելութեամբ Դոկտ. Կարպիս Տէր Եղիայեան կը գտնուէր Արցախ, ուր Ստեփանակերտի Գրիգոր Նարեկացի համալսարանի նախագահ Փրոֆ. Վարդան Յակոբեանի, դասախօսական կազմի եւ ուսանողութեան հետ ջերմ հանդիպումներ ունեցաւ: Այդ հանդիպումներուն ստորագրուեցաւ փոխգործակցութեան պայմանագիր:

Երկու կողմերը միջազգային ակադեմական համագործակցութեան օժանդա-կելու համար պիտի ծաւալեն հետեւեալ գործունէութիւնը.

– Կրթական նիւթերու, հետազօտութիւններու, ակադեմական տեղեկութեան փոխանակում:

– Ուսանողներու եւ դասախօսներու փոխանակում:

– Միացեալ հետազօտական գործունէութիւն:

– Միջազգային գագաթնաժողովներ:

– Իրագործել համատեղ նախագիծեր եւ ծրագիրներ՝ կապուած միջազգային կրթութեան հետ:

Առաջին դասախօսը, որ Արցախ գործուղուեցաւ Մաշտոց Գոլէճի հայագիտական բաժանմունքի վարիչ Պրն. Յովսէփ Նալպանտեանն էր, որ Սփիւռքի պատմութեան եւ գրականութեան նիւթերով դասախօսեց Ս. Գր. Նարեկացիի անունը կրող համալսարանին մէջ:

Համալսարանի նախագահ Փրոֆ. Վարդան Յակոբեան իր գոհունակութիւնը յայտնեց՝ շեշտելով համագործակցութեան հոյակապ պայմանագիրի կարեւորութիւնը:

Այս առիթով Դոկտ. Տէր Եղիայեան յայտնեց իր անխառն ուրախութիւնը՝ նկատել տալով, որ Մաշտոց Գոլէճը կը հանդիսանայ առաջին կրթական բարձրագոյն հաստատութիւնը, որ համագործակցութեան պայմանագիր կը ստորագրէ Արցախի միակ պետական ճանաչում վայելող համալսարանին հետ, որ հնարաւորութիւն կը ստեղծէ սատարելու Արցախի հերոս ժողովուրդի զաւակներուն ազգակրթական վերելքին:

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

Ելեկտրոնային Գրադարան

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին