«ԶԱՐԹՕՆՔ», ԼԻԲԱՆԱՆ – Հայաստանի Հանրապետութեան վարչապետի պաշտօնակատար Նիկոլ Փաշինեան Նոյեմբեր 8-9 աշխատանքային այցով կը մեկնի Ղազախիստանի Հանրապետութիւն:
Ինչպէս կը փոխանցէ «Արմէնփրես», ՀՀ վարչապետի աշխատակազմի տեղեկատուութեան եւ հասարակայնութեան հետ կապերու վարչութենէն կը տեղեկացնեն, որ Նիկոլ Փաշինեան Ասթանայի մէջ կը մասնակցի Հաւաքական անվտանգութեան պայմանագիրի կազմակերպութեան հաւաքական անվտանգութեան խորհուրդի նիստին: Այցի ընթացքին կը նախատեսուի վարչապետի պաշտօնակատարի հանդիպումը տեղի հայ համայնքի ներկայացուցիչներուն հետ:
