«ԶԱՐԹՕՆՔ», ԼԻԲԱՆԱՆ – Խորհրդարանի նախագահ Նապիհ Պըրրի յայտարարեց, որ յառաջիկայ շաբաթ խորհրդարանը պիտի գումարէ օրէնսդրական երկօրեայ նիստ: Այս մասին կը հաղորդեն խորհրդարանի նախագահի տեղեկատուական գրասենեակէն:
Առաւօտեան եւ երեկոյեան նիստերը տեղի պիտի ունենան Երկուշաբթի, 12 եւ Երեքշաբթի, 13 Նոյեմբերին՝ քննարկելու եւ վաւերացնելու խորհրդարանի օրակարգային շարք մը օրինագիծեր: Այս մասին նշուած է Պըրրիի տեղեկատուական գրասենեակի կատարած յայտարարութեան մէջ:
Խորհրդարանը Օրէնսդրական Նիստ Պիտի Գումարէ Յառաջիկայ Շաբաթ. Պըրրի
