Լիբանանի Հայոց Թեմի Առաջնորդ Գերշ․ Տ․ Նարեկ Արքեպիսկոպոս 3 Հոկտեմբերէն 2 Նոյեմբեր 2018-ի ընթացքին այցելեց Հայ կաթողիկէ, Հայ աւետարանական, Մարոնիթ, Յոյն ուղղափառ, Ասորի ուղղափառ, Ղպտի ուղղափառ, Յոյն կաթոլիկ, Ասորի կաթոլիկ եւ Արաբ աւետարանական հոգեւոր պետերուն ու Լիբանանի առաջնորդներուն, եւ քննարկեց Լիբանանն ու քրիստոնէութիւնը յուզող բազմաբնոյթ հարցեր։
Սրբազան Հօր միջեկեղեցական փորձառութիւնը եւ պետերուն ու առաջնորդներուն հետ տարիներու ծանօթութիւնը նպաստեցին, որ Առաջնորդ Սրբազանը հոգեւոր պետերուն հետ սերտէ երկկողմանի յարաբերութիւնները զարգացնելու եւ միասնաբար ծրագիրներ իրականացնելու կարելիութիւնները։
Նարեկ Արքեպիսկոպոս բոլոր հանդիպումներուն ընթացքին շեշտեց, որ հաւաքական աշխատանքը յաջողութեան գրաւականն է, եւ միջեկեղեցական յարաբերութիւններու հիմքը կը հանդիսանայ քրիստոնէական սէրը, յարգանքն ու գործակցութիւնը։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
