ՌԱԿ Լիբանանի Շրջանային նորընտիր Վարչութիւնը իր կեդրոնատեղիին մէջ գումարած առաջին ժողովին ընթացքին քննարկեց լիբանանեան թէ հայկական քաղաքական բեմին վերաբերող կարգ մը հարցեր, որոնց մէջ լայն տեղ գրաւեց Լիբանանի Նախարարց Խորհուրդի կազմութեան հարցը:
Այս առիթով ՌԱԿ Լիբանանի Շրջանային նորընտիր վարչութիւնը հաստատեց, որ ինք յանձնառու է հաւատարիմ մնալու զինք նախորդած վարչութեան Լիբանանեան Ուժեր կուսակցութեան հետ կնքած քաղաքական դաշինքին, որ կնքուած էր երեսփոխանական ընտրութիւններու նախօրէին:
ՌԱԿ Լիբանանի Շրջանային նորընտիր վարչութիւնը այս առիթով լիբանանեան մամուլին հաղորդագրութիւն մը ցրուեց, որուն մէջ յայտնեց, թէ ինք հաստատ կը մնայ իր քաղաքական դաշինքին վրայ, որուն որպէս թագադրում Տոքթ. Ռիշար Գույումճեանի անունը առաջադրուած ու որդեգրուած է անդամակցելու մօտերս կազմուելիք նախարարաց խորհուրդին:
ՏԵՂԵԿԱՏՈՒԱԿԱՆ ԳՐԱՍԵՆԵԱԿ
ՌԱԿ ԼԻԲԱՆԱՆԻ ՇՐՋԱՆԱՅԻՆ ՎԱՐՉՈՒԹԵԱՆ
