«ԶԱՐԹՕՆՔ», ՊԷՅՐՈՒԹ – Հայաստանի Հանրապետութեան Ազգային ժողովի նախագահ Արա Պապլոյեանի որոշմամբ քրէական գործերով համաներում յայտարարելու մասին օրէնքի նախագիծը հանուած է Հոկտեմբեր 29ին կայանալիք Ազգային ժողովի արտահերթ նիստի օրակարգէն: Այս մասին յայտնեցին ՀՀ Ազգային ժողովի լրատուութեան եւ հանրութեան հետ կապերու վարչութենէն:
«Հիմք ընդունելով Հոկտեմբեր 29ի Ազգային ժողովի արտահերթ նիստի օրակարգէն «Էրեբունի-Երեւանի հիմնադրման 2800ամեակի եւ Հայաստանի առաջին Հանրապետութեան անկախութեան հռչակման 100ամեակի կապակցութեամբ քրէական գործերով համաներում յայտարարելու մասին» Հայաստանի Հանրապետութեան օրէնքի նախագիծը հանելու հետ կապուած արտահերթ նիստը նախաձեռնողներու առաջարկը՝ կ’որոշեմ ուժը կորսնցուցած հռչակել Ազգային ժողովի նախագահի ՆՈ-22-Ն որոշումը»,- ըսուած է ԱԺ նախագահ Արա Պապլոյեանի որոշումին մէջ:
