«ԶԱՐԹՕՆՔ», ՊԷՅՐՈՒԹ – Նեփալի մէջ Կուրճա Հիմալ գագաթը բարձրանալու ժամանակ մահացած է առնուազն 8 լեռնագնաց: Ինչպէս կը հաղորդէ «Արմէնփրես»ը՝ վկայակոչելով «Քոմսոմոլսքայա բրավտա» պարբերականը, այս մասին կը տեղեկացնէ «Ֆրանսփրես»ը:
Մահացածներէն չորսը ուղեկցորդներ են, ինչպէս նաեւ Հարաւային Քորէայի հինգ լեռնագնացներ, որոնցմէ մէկը անյայտ կորսուած է:
Տեղի ոստիկանները յայտնած են, որ անոնք մահացած են այն ժամանակ, երբ ձիւնամրրիկը աւերած է անոնց ճամբարը:
Անցեալ տարի Ապրիլին Նեփալի մէջ մահացած է զուիցերացի յայտնի լեռնագնաց Ուելի Սթեքը: Ողբերգութիւնը տեղի ունեցած է, երբ վերջինս Էվերեսթ բարձրանալու համար նախապատրաստական աշխատանքներ կը տանէր: