«ԶԱՐԹՕՆՔ», ՊԷՅՐՈՒԹ –Երկուշաբթի նախագահ Միշէլ Աուն յստակօրէն ընդգծեց, որ լիբանանեան-գանատական յարաբերութիւնները նոր մակարդակի բարձրացած են արդիւնաւէտ փոխգործակցութեան շնորհիւ:
Պաապտայի նախագահական պալատին մէջ պատուրիակութեան մը հետ հանդիպումին նախագահը բարձր գնահատեց Գանատա բնակութիւն հաստատած լիբանանցիներու խաղացած նշանակալի դերը իրենց հայրենի երկրին հետ կապ հաստատելու գործին մէջ:
«Լիբանանը հետամուտ է ամրապնդելու Գանատայի հետ յարաբերութիւնները բոլոր հարթակներուն վրայ՝ ընդգծելով, որ Գանատա բնակութիւն հաստատած լիբանանցիները հաւատարիմ են այն երկրին, որ զիրենք սիրով ընդունած է եւ աշխատանքային հնարաւորութիւններ ընձեռած»,- ըսաւ Աուն:
