«ԶԱՐԹՕՆՔ», ՊԷՅՐՈՒԹ-Ներքին գործոց նախարարի պաշտօնակատար Նուհատ Մաշնուք տնտեսութեան նախարարի պաշտօնակատար Ռաըտ Խուրիի հետ հանդիպումէն ետք Հինգշաբթի ըսաւ, որ ելեկտրահաշուիչ տեղադրելու որոշումը շուտով պիտի գործադրուի, սակայն գնագոյացումը, ինչի մասին կը բողոքեն ելեկտրասարքերու սեփականատէրերը, կը մնայ քննարկելի թեմա:
Բացի այդ՝ Մաշնուք անդրադարձաւ ելեկտրասարքերու սեփականատէրերուն կողմէ ելեկտրականութիւնը անջատելու մասին կատարուած յայտարարութիւններուն: «Եթէ ելեկտրասարքերու սեփականատէրերը անջատեն ելեկտրականութիւնը, աներկբայօրէն վերջ կու տանք իրենց աշխատանքին»,- ըսաւ Մաշնուք:
Ելեկտրահաշուիչ Տեղադրելու Որոշումը Վերջանական Է. Մաշնուք
