«ԶԱՐԹՕՆՔ», ՊԷՅՐՈՒԹ – Ազգային ժողովի այգիի դարպասները բացուած են այցելուներու համար: «Արմենփրես»-ի փոխանցմամբ` Հոկտեմբեր 3-ին, ժամը 13:00-էն սկսած քաղաքացիները անարգել մուտք կը գործեն Ազգայի Ժողովի բակ:
«Կ՛անցնէինք այս տարածքով, տեսանք, որ դարպասները բաց են, սիրով ներս եկանք: Կ՛ուզէինք տեսնել, թէ մեր պաշտօնեաները ինչպէս կ՛աշխատին այս շէնքին մէջ, որ կառուցուած է ժողովուրդին կողմէ: Այստեղ կը լուծուին ազգի խնդիրները, մենք կ՛ուզէինք տեսնել, թէ յատկապէս յեղափոխութենէն ետք անոնք ինչպէս կը համաձայնեցնեն խնդիրներու լուծումները ժողովուրդին հետ»,- ըսած է քաղաքացի Ռիտա Դաւթեան:
Ան նաեւ յոյս յայտնեց, որ ԱԺ բակին մէջ պիտի հանդիպի պատգամաւորներու, անձամբ անոնց հետ պիտի քննարկէ խնդիրները: Իսկ տարածքի ուժեղացուած հսկողութիւնը նոյնիսկ անտեղի համարեց:
Ազգային ժողովի դարպասները այցելուներու համար բաց պիտի ըլլան առաւօտեան ժամը 10-էն երեկոյեան 22:00:
ԱԺ դռները բացուած են երէկ ուշ երեկոյեան` ՀՀ վարչապետ Նիկոլ Փաշինեանի` այստեղ հնչեցուցած կոչէն ետք:
