«ԶԱՐԹՕՆՔ», ՊԷՅՐՈՒԹ – Նախագահ Միշէլ Աուն Երեքշաբթի, ինչպէս նշուած է «Ալ Նահար» տեղական օրաթերթի հրապարակած մեկնաբանութիւններուն մէջ, կառավարութեան կազմաւորման երկարաձգումով որեւէ ճնշում պիտի չզգայ նախարարական պաշտօնէութեան կապակցութեամբ զիջումներու երթալու համար:
Պաապտայի նախագահական պալատին մէջ այցելուներու հետ հանդիպումին Աուն պարբերաբար յայտնեց, որ ինքը խոչընդոտներ չի ստեղծեր կառավարութեան ձեւաւորման գործընթացին մէջ: Ան յստակօրէն ընդգծեց, թէ ինքը վարչապետի պաշտօնակատար Սաատ Հարիրիին յանձնարարած է յատուկ չափանիշ ներկայացնել իւրաքանչիւր կուսակցութեան զբաղեցնելիք նախարարական ներկայացուցչութեան առնչութեամբ եւ աւելցուց, որ Հարիրիի՝ նախարարական պաշտօնէութեան ցանկի մասին ներկայացուցած նախագիծին վերաբերեալ յայտնած է իր կարծիքը, ինչ որ իր արդար իրաւունքն է:
