Ազրպէյճանը «լարուածութեան աճին ուղղուած սադրանք» որակած է Արցախի Հանրապետութեան մէջ ռազմափորձեր կատարելու հայկական ուժերուն նախաձեռնութիւնը: Այս մասին կը հաղորդէ «Ազատութիւն»-ը։
Նշենք, որ Արցախի բանակի ստորաբաժանումները Սեպտեմբեր 25-28-ի միջեւ ռազմափորձեր կ’իրականացնեն Արցախի մէջ։
Ազրպէյճանի պաշտպանութեան նախարարութիւնը այդ կապակցութեամբ տարածած է յայտարարութիւն մը, որուն համաձայն՝ «թշնամիին օդուժը պիտի ոչնչացուի, եթէ փորձէ մօտենալ ազրպէյճանական բանակի դիրքերուն»:
Ըստ նոյն նախարարութեան՝ «հաւանական կորուստներու համար ամբողջ պատասխանատուութիւնը պիտի կրէ Հայաստանի քաղաքական եւ զինուորական ղեկավարութիւնը»:
Միւս կողմէ՝ արեւմտեան լրատուական գործակալութիւններու հարցումներուն պատասխանելով՝ Արցախի ուժերու հրամանատարները ըսին. «Ազրպէյճանի ուժերի կողմից վտանգի դէպքում՝ առա՛նց վարանելու պատասխան կը տանք»:
