Սեպտեմբեր 21-ին Արաբական Միացեալ Էմիրութեան մէջ ՀՀ դեսպանութեան եւ Ապու Տապիի Ազգային վարչութեան կողմէ կազմակերպուած է հանդիսաւոր ձեռնարկ, որ նուիրուած էր Հայաստանի Հանրապետութեան անկախութեան 27-րդ տարեդարձին:
Ըստ ՀՀ ԱԳՆ մամլոյ ծառայութեան՝ Ապու Տապիի Ս. Նահատակաց եկեղեցւոյ համալիրի «Սուրէն Գոճաքեան» սրահին մէջ տեղի ունեցած ձեռնարկին ողջոյնի խօսքով հանդէս եկած է ԱՄԷ-ի մէջ ՀՀ գործերու ժամանակաւոր հաւատարմատար Արտակ Յովհաննիսեան: Ներկաները շնորհաւորելով ՀՀ անկախութեան տարեդարձի առթիւ` ան կարեւոր համարած է հայկական պետականութեան դերը հայկական ինքնութեան եւ ազգային արժէքներու պահպանման եւ զարգացման գործին մէջ:
Ձեռնարկի ընթացքին բանախօսութեամբ հանդէս եկած են Ապու Տապիի ազգային վարչութեան նախկին ատենապետ Վարդգէս Արզումանեան, Ապու Տապիի հոգեւոր հովիւ տ. Վաչէ վրդ. Վաչէ Պալըքճեան, որ իր խօսքին մէջ կարեւորած է հայկական պետականութեան հետագայ զարգացումն ու հզօրացումը:
Երաժշտական կատարումներով հանդէս եկած է երգիչ Ռաֆֆի Հալէպլեան:
