ՀՀ Ազգային ժողովի նախագահ Արա Պապլոյեան ԱԺ-ի ինքնալուծարման մասին խօսիլը կանուխ կը համարէ:
«Արմէնփրես»-ի հաղորդմամբ՝ անդրադառնալով Ազգային ժողովի ինքնալուծարման հարցին՝ Պապլոյեան նշեց, որ այս պահուն ստեղծուած են աշխատանքային խումբեր, որոնք պէտք է աշխատին օրէնսդրական փոփոխութիւններու ուղղութեամբ:
«Ազգային ժողովի ինքնալուծարման մասին խօսիլը դեռ վաղ է: Հետագայում քաղաքական ուժերը կ’անդրադառնան այս հարցին, իսկ գործընթացը դեռեւս շարունակուում է»,- եզրափակեց գերատեսչութեան նախագահը:
Օգոստոս 17-ին ՀՀ վարչապետ Նիկոլ Փաշինեան յայտարարած էր, որ մինչեւ խորհրդարանական արտահերթ ընտրութիւնները պէտք է տեղի ունենան սահմանադրական փոփոխութիւններ: Վարչապետին կարծիքով՝ փոփոխութիւններուն իմաստը կ’ըլլայ այն, որ խորհրդարանական արտահերթ ընտրութիւններ տեղի կ’ունենան ոչ միայն վարչապետի հրաժարականի պայմաններուն մէջ, այլեւ խորհրդարանի՝ ինքնալուծարման մասին որոշում ընդունելու պարագային:
