Վարչապետ Նիկոլ Փաշինեանի գլխաւորած պատուիրակութեան կազմին մէջ Հայաստանի արտաքին գործոց նախարար Զօհրապ Մնացականեան այցելած է Նիւ Եորք՝ մասնակցելու Միացեալ ազգերու կազմակերպութեան Գլխաւոր ժողովի 73-րդ նստաշրջանի աշխատանքներուն։
Ինչպէս կը փոխանցէ «Արմէնփրես»-ը, ՀՀ արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութենէն կը տեղեկացնեն, որ Սեպտեմբեր 24-էն 28-ը կայանալիք աշխատանքային այցի ծիրէն ներս կը նախատեսուին Զօհրապ Մնացականեանի երկկողմ հանդիպումները շարք մը երկիրներու իր գործընկերներուն եւ այլ պաշտօնեաներու հետ:
