«ԶԱՐԹՕՆՔ», ՊԷՅՐՈՒԹ – Խորհրդարանի նախագահ Նապիհ Պըրրի այս շաբաթ պիտի գլխաւորէ խորհրդարանի քարտուղարութեան ժողովը օրէնսդրական նիստին նախապատրաստուելու համար: Այս մասին կը հաղորդեն խորհրդարանի նախագահի գրասենեակէն:
Յայտարարութեան մէջ կը նշուի, որ Պըրրիի գլխաւորութեամբ հանդիպումը տեղի պիտի ունենայ Չորեքշաբթի առաւօտեան ժամը 11:30-ին Այն Ալ Թինէի իր նստավայրին մէջ:
Նման հանդիպումներ սովորաբար տեղի կ’ունենան օրէնսդրական յաջորդ նիստի օրակարգը սահմանելու համար, որ, Պըրրիի խօսքով, պիտի կայանայ, երբ խորհրդարանական համատեղ յանձնաժողովները աւարտեն շարք մը օրինագիծերու քննարկումը:
Պըրրի Պիտի Գլխաւորէ Քարտուղարութեան Ժողովը Օրէնսդրական Նիստին Նախապատրաստուելու Համար
