«ԶԱՐԹՕՆՔ», ՊԷՅՐՈՒԹ – Վարչապետի պաշտօնակատար Սաատ Հարիրի դրսեւորեց իր անշահախնդիր յարգանքն ու բարձր գնահատանքը Քուէյթի էմիր շէյխ Սապահ Ալ Ահմատ Ալ Ժապեր Ալ Սապահի նկատմամբ, Հըզպալլա կուսակցութեան լրագրողին կողմէ անոր՝ Ուաշինկթըն այցելութեան առթիւ եղած մեկնաբանութիւններէն ետք, ինչ որ, յիրաւի, խթան հանդիսացան որոշ լարուածութեան:
Քուէյթի էմիրը Սեպտեմբեր 5-ին հանդիպում ունեցաւ ԱՄՆ-ի նախագահ Տոնալտ Թրամփի հետ, ուր զրուցակիցները խօսեցան առեւտրական ոլորտին մասին, ինչպէս նաեւ անդրադարձան տարածաշրջանային զարգացումներուն, մասնաւորաբար Սուրիոյ, Եմէնի եւ Քաթարի մէջ:
Սեպտեմբեր 13-ին Հըզպալլայի աջակցութիւնը վայելող «Ալ Մանար» հեռուստակայանին տուած հարցազրոյցին լրագրող Սալեմ Զահրան պնդեց, որ էմիրը Ուաշինկթըն կը գտնուէր բժշկական այցով: Ըստ իրեն՝ ան Թրամփի կողմէ հանդիպումի հրաւէր ստացած է միայն Ուաշինկթըն հասնելէ ետք, հակառակ անոր որ բանակցութիւններուն մասին արդէն իսկ պաշտօնապէս յայտարարուած էր հանդիպումէն օրեր առաջ:
