Հինգշաբթի, 25. 04. 2024

spot_img

Թուրք-Ամերիկեան Յարաբերութիւններուն Մէջ Սրում Կը Նկատուի

«ԶԱՐԹՕՆՔ», ՊԷՅՐՈՒԹ – Թուրք-ամերիկեան յարաբերութիւնները սրուած են, եւ այդ սրումը սուրիական տարածաշրջանին մէջ կրնայ փոխուիլ բախումի: Այս մասին լրագրողներու հետ զրոյցի ընթացքին ըսաւ արեւելագիտութեան հիմնարկի տնօրէն Ռուբէն Սաֆրաստեանը:

«Վերջին զարգացումները ցոյց կու տան, որ երկու կողմերը ընդհանուր շահ գտած են Իտլիպի շուրջ տեղի ունեցող իրադարձութիւններուն հետ կապուած: Կան տեղեկութիւններ նաեւ, որ համաձայնութիւն ձեռք բերուած է, որ է` թուրքերը թոյլ տուած են, որ ամերիկեան յատուկ նշանակութեան ստորաբաժանումները անհրաժեշտութեան պարագային մտնեն Իտլիպի՝ թուրքերուն վերահսկողութեան տակ գտնուող տարածքները եւ իրականացնեն գործողութիւններ»,-«Արմէնփրես»-ի փոխանցմամբ ըսաւ Սաֆրաստեանը:

Վերջինիս կարծիքով՝ այդ զարգացումները բաւականին յատկանշական են, քանի որ գործ ունինք թուրքերու աւանդական քաղաքականութեան հետ: «Նոյնիսկ ԱՄՆ-ի հետ յարաբերութիւններու սրումը եւ Ռուսիոյ հետ յարաբերութիւններու բարելաւումը Թուրքիոյ չեն խանգարեր իր շահերու ընկալմամբ երթալ այնպիսի համաձայնագիրի, որ ընդհանուր միտումներու մէջ չի մտներ: Սա թրքական դիւանագիտութեան յատուկ մօտեցում է»,- նշեց ան:

Բանախօսի համոզմամբ` վերոնշեալ զարգացումները ցոյց կու տայ, որ Սուրիոյ Իտլիպ նահանգի հետագայ զարգացումները կը պայմանաւորուին տարբեր խաղացողներու շահերուն բախումով:

«Յետպատերազմեան Սուրիոյ մէջ նոր վիճակի մէջ գտնուող իւրաքանչիւր երկիր կը փորձէ իրեն համար լաւ դիրք ապահովել, այդ կարգին՝ Թուրքիան: Ան Ռուսիոյ հետ ձեռք բերած համաձայնութիւնը կ’օգտագործէ իր շահերուն համար: Իսկ Թուրքիոյ շահերէն կը բխի հսկողութեան տակ պահել Սուրիոյ հիւսիսային տարածքները, թոյլ չտալ քիւրտերուն աշխուժանալ եւ հնարաւորինս թոյլ վիճակի մէջ պահել յետպատերազմեան Սուրիան»,- եզրափակեց Ռուբէն Սաֆրաստեանը:

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Զօրակցիր Զարթօնք Օրաթերթին