«ԶԱՐԹՕՆՔ», ՊԷՅՐՈՒԹ – Մոսկուայի մէջ վերջին հրաժեշտը տուին երգիչ Եոսիֆ Քոպզոնին: Ինչպէս կը հաղորդէ «Արմէնփրես»-ը՝ վկայակոչելով «ՌԻԱ նովոսթի»-ն, երգիչի հոգեհանգիստի արարողութիւնը մեկնարկած է Մոսկուայի ժամանակով առաւօտեան ժամը 08:00-ին, Չայկովսքիի անուան համերգասրահին մէջ:
Հոգեհանգիստի արարողութեան մեկնարկէն 30 վայրկեան անց համերգասրահ մարդոց հոսքը շարունակուած է, իսկ դուրսը փոքրիկ հերթ գոյացած է:
Խորհրդային միութեան ժողովրդական արտիստ, ՌԴ Պետական տումայի պատգամաւոր Եոսիֆ Քոպզոնը մահացած է երկարատեւ հիւանդութենէ ետք, 81 տարեկան հասակին:
