«ՆՈՐ ՕՐ», ԼՈՍ ԱՆՃԵԼԸՍ – Կիրակի, Օգոստոս 26-ին Կլենտէյլի մէջ, Տոքթ. եւ Տիկ. Վարդգէս Նաճարեան իրենց ամուսնութեան 60-ամեակը տօնեցին 150 հրաւիրեալներու ներկայութեան:
Ընտանեկան եւ բարեկամական գնահատական ելոյթներէ ետք, հաճելի մթնոլորտի մէջ՝ իրենց անդրանիկ զաւակը, Կլենտէյլի նախկին քաղաքապետ եւ այժմ Քաղաքային խորհուրդի անդամ Արա Նաճարեան ուշագրաւ իր ելոյթի ընթացքին հաճելի անակնկալ մը ընելով յայտարարեց, որ իր ծնողքը հինգ հարիւր հազար տոլար նուիրելով կը հիմնեն Ընտանեկան հիմնադրամ մը, նպատակ ունենալով օժանդակել կրթական եւ առողջապահական կարիք ունեցողներու՝ մասնաւորաբար զինուորական ընտանիքներու Հայաստանի եւ Արցախի մէջ:
Կը շնորհաւորենք հայրենասէր ամոլին բարի ծրագիրը, մաղթելով, որ ան բարի օրինակ հանդիսանայ ամերիկահայ մեր հայրենակիցներուն։
