Բեմադրիչ Արշակ Զաքարեանը ֆէյսպուքի իր էջին վրայ տեսաուղերձով կը յայտնէ իր մտահոգութիւնը, որ 1.5 ամսուան մէջ սա արդէն երկրորդ դեռահասը կը կորսուի, այս անգամ՝ աղջիկ (կը բաժնենք գրարողին մտահոգութիւնը ի տես այս վտանգաւոր երեւոյթին – Խմբ.):
«Շատ արագ պէտք է տարածենք այս լուրը, ազգովին մասնակցինք, որպէսզի հնարաւորինս շուտ գտնենք երեխան, ապա թէ ոչ պիտի սկսիմ կասկածիլ, որ ինչ որ բան սխալ կ’ընթանայ երկրին մէջ: 14 տարեկան տղան, յիշեցնեմ, չգտնուեցաւ: Իսկապէս ամօթ է մեզի, որ նման փոքրիկ երկրի մէջ չկարենանք գտնել դեռահասը»:
Կորսուած է 15-ամեայ Մերի Պապիկեանը։
Քանաքեռի Շամփայն կոչուող թաղամասին մէջ ժամը 23:00-ին (երկու օր առաջ) երեխան դուրս եկած է տունէն խանութ երթալու համար եւ այլեւս չէ վերադարձած:
