«ԶԱՐԹՕՆՔ», ՊԷՅՐՈՒԹ – Արդարադատութեան նախարարի պաշտօնակատար Սալիմ Ժրէյսաթի Ուրբաթ հաւաստեց, որ ելեկտրածին սարքերու սեփականատէրերուն ուղղուած ելեկտրահաշուիչներու տեղադրման որոշումը պարտադիր է եւ վերջնական: Այս մասին Ժրէյսաթի ըսաւ ելեկտրածին սարքերու սեփականատէրերուն եւ տնտեսութեան նախարարութեան ընդհանուր տնօրէն Ալիա Ապպասի հետ հանդիպումէ ետք:
«Ելեկտրահաշուիչներու տեղադրման առնչուող ուժի մէջ մտած որոշումը պարտադիր է»,- ըսաւ նախարարը:
Անցեալ ամիս տնտեսութեան նախարարի պաշտօնակատար Ռաաըտ Խուրի հրամանագիր գործարկեց, որ կը յանձնարարէր ելեկտրածին սարքերու սեփականատէրերուն տեղադրել ելեկտրահաշուիչներ, ինչ որ հնարաւորութիւն կ’ընձեռէ բաժանորդներուն ելեկտարահոսանքի վճարումները կատարել՝ հիմնուելով սպառուած ուժանիւթի մաշտաբին վրայ, փոխանակ ուժանիւթի նախարարութեան կողմէ հաստատուած ելեկտրականութեան վճարման անփոփոխ դրոյքաչափի բանաձեւին:
Ելեկտրահաշուիչներու Տեղադրման Որոշումը Պարտադիր Է. Ժրէյսաթի
