«ԶԱՐԹՕՆՔ», ՊԷՅՐՈՒԹ: Ուրբաթ Տամուրի շրջանին մէջ ժամկէտանց դեղորայքի պահեստանոցը գրոհուած է լիբանանեան մաքսատան կողմէ: Այս մասին կը տեղեկանանք ֆինանսներու նախարարութեան կատարած յայտարարութենէն:
Անօրինական միջադէպի մէջ ներգրաւուած մարդիկ, որոնք տակաւին չեն ձերբակալուած, ժամկէտանց ամսաթիւով պիտակները կը փոխարինէին նոր ամսաթիւ ունեցող ապրանքանիշերով: Դեղորայքը ամբողջութեամբ առգրաւուած է, իսկ յանցագործները պարզաբանելու համար հետաքննութիւն սկսած է:
Ժամկէտանց արտադրանքները շուկայի մէջ կը վաճառուին համեմատաբար աւելի ցած գիներով: Յուլիսի սկիզբը, պետական անվտանգութիւնը քարոզարշաւ մեկնարկեց հակաօրինական կամ ժամկէտանց մթերքները խափանելու համար:
Գրոհը իրականացած է, երբ պետական անվտանգութիւնը զգալի շարժ նկատած է ուտեստներու առնչուող հակաօրինական միջադէպերու կապակցութեամբ:
