«Յանուն հայ զինուորի» հասարակական կազմակերպութիւնը այսուհետեւ, ի դէմս «#Sport» խանութներու ցանցին, ունի նոր գործընկեր: Վերջիններուս միջեւ նոր համագործակցութիւն ձեւաւորուած է. «#Sport»-ը ՀԿ-ի անդամներուն անվճար շապիկներ կը տրամադրէ ՝ Արցախի մէջ կայանալիք «Ազգ-բանակ 2018» ծրագիրի ընթացքին միանման հագնելու համար: Շապիկներու առաջնամասին վրայ խանութի տարբերանշանն է, իսկ թիկունքին գրուած է ՀԿ-ի անունը:
Նախաձեռնութիւնը եղած է «#Sport» խանութներու տնօրէն Արամ Պլըխեանինը, որ Banak.info-ի հետ զրոյցի ժամանակ պատմեց, թէ ինչո՛ւ փափաքած է նման համագործակցութիւն ունենալ:
«Նմանատիպ կազմակերպութիւններ շատ կան, բայց ժամանակի ընթացքին, երբ տեսայ «Յանուն հայ զինուորի» ՀԿ-ի գործը, լրատուական նիւթերն ու սահմանին գտնուելու փաստը, որոշեցի զանգահարել ու ըսել, որ կը փափաքիմ շապիկներ նուիրել իմ կողմէս, ի հարկէ համագործակցելով, եւ այդ ձեւով քաջալերել այն հայերը, որոնք կ’աշխատին իրենց երկրին համար»:
Արամ Պլըխեանի խօսքով՝ զինուորին հասցէագրուած օգնութիւնները պէտք է տեղ հասնին, եւ քանի որ, իր կարծիքով, «Յանուն հայ զինուորի» ՀԿ-ն ճիշդ կ’աշխատի, շապիկները կը նուիրէ ՀԿ անդամներուն՝ Արցախ երթալու համար:
Banak.info
