«ԶԱՐԹՕՆՔ», ՊԷՅՐՈՒԹ: ԱՄՆ-ի նախագահ Տոնալտ Թրամփի միջնեկ որդին՝ Էրիքը, յայտնած է, որ ինքը եւ իր ընտանիքի անդամները ենթարկուած են սպառնալիքներու: Վերջինս արտայայտուած է փոստով իրենց անյայտ փոշիով «նամակներու» առաքմամբ: Օգոստոս 2-ին այս մասին Էրիք Թրամփը պատմած է «Fox News» հեռուստաալիքին, կը տեղեկացնէ «Արմէնփրես»-ը:
Իր խօսքով՝ փոստային առաքումները հասցէագրուած եղած են ոչ միայն իրեն, այլեւ իր մերձաւորներուն: «Մենք բոլորս տունը (փոստով) սպիտակ փոշի ստացած ենք»,- ըսած է ան: Ծրագիրը վարողի այն հարցին, թէ իր ընտանիքը ենթարկուա՞ծ է արդեօք սպառնալիքներու, նախագահի որդին դրական պատասխան տուած է. «Ինծի սպառնացած են, իմ ընտանիքիս սպառնացած են, մեր բոլորին (սպառնացած են)»: Բոլորիս սպիտակ փոշի առաքուած է տուն»,- յայտարարած է Էրիք Թրամփը, հաղորդած է «ՏԱՍՍ»-ը:
