Օգոստոս 1ին Մայորքայի մէջ հանգստացող Սպանիոյ արքայական ընտանիքի անդամները ներկայ գտնուած են հայազգի տաղանդաւոր ջութակահար Արա Մալիքեանի համերգին: Արքայական ընտանիքի անդամները Արա Մալիքեանի մեծ երկրպագուներն են եւ 2016ին Մատրիտի մէջ եւս ներկայ գտնուած են անոր համերգին:
Յայտնի ջութակահար, խմբավար, երգահան Արա Մալիքեան «Paganini» քառեակի հիմնադիրն է: Ան դասական երաժշտութեան կատարման անսովոր արհեստագիտութիւն կը կիրառէ: Աշխարհահռչակ ջութակահարը ծնած է 1968ին, Լիբանան: Ծննդեան 5-ամեակին առիթով հօր նուիրած ջութակը մէկընդմիշտ փոխած է Մալիքեանի կեանքը, կը գրէ Ankakh.com-ը:
