Հայաստանի Հանրապետութեան երկու օդակայաններու ուղեւորահոսքը 2018 Յունուար-Յունիս ամիսներուն կազմած է 1 միլիոն 206 հազար 952 մարդ, որ 10.3 տոկոսով կը գերազանցէ նախորդ տարուան նոյն ամիսներու ցուցանիշը: Այս մասին կը տեղեկացնեն ՀՀ ԿԱ քաղաքացիական թռիչքուղիներու գլխաւոր վարչութեան մամուլի ծառայութենէն:
Ընթացիկ տարուան Յունիսին ՀՀ երկու օդակայաններուն մէջ ուղեւորահոսքը կազմած է 251 հազար 476 մարդ՝ 2017-ի նոյն ամսուան ցուցանիշը գերազանցելով 14.8 տոկոսով:
2018 Յունիսին Երեւանի «Զուարթնոց» օդակայանին մէջ ուղեւորահոսքը կազմած է 234 հազար 738 մարդ՝ 11.1 տոկոսով գերազանցելով նախորդ տարուան Յունիսի ցուցանիշը:
2018 Յունուար-Յունիսին, 2017-ի նոյն ամիսներուն հետ համեմատած, «Զուարթնոց» օդակայանին մէջ արձանագրուած է ուղեւորահոսքի 6.8 տոկոս աճ:
«Զուարթնոց» օդակայանին մէջ 2018 Յունուար-Յունիսին բեռնափոխադրումը կազմած է 7980 թոն ապրանք: Նախորդ տարուան նոյն ամիսներու ցուցանիշը կազմած է 10912 թոն ապրանք:
2018 Յունիսին Կիւմրիի «Շիրակ» օդակայանին մէջ ուղեւորահոսքը կազմած է 16 հազար 738 մարդ: 2017-ի նոյն ամսուն ուղեւորահոսքը կազմած է 7 հազար 744 մարդ:
«Շիրակ» օդակայանին մէջ 2018 Յունուար-Յունիսին ուղեւորահոսքը կազմած է 76 հազար 88 մարդ՝ նախորդ տարուան նոյն ժամանակահատուածին կազմելով 35 հազար 173 մարդ:
«Զուարթնոց» եւ «Շիրակ» օդակայաններուն մէջ, 2018 Յունուար-Յունիս ամիսներուն, նախորդ տարուան նոյն ամիսներուն հետ համեմատած, 11.3 տոկոսով աճ արձանագրած են նաեւ թռիչք-վայրէջքները:
