Հայաստանի Հանրապետութեան եւ Մայիսեան հերոսամարտերու 100-ամեակին նուիրուած 2018-ի ձեռնարկներու ծրագիրի ծիրէն ներս կրթութեան եւ գիտութեան, սփիւռքի նախարարութիւններու եւ Երեւանի քաղաքապետարանի հետ համատեղ կազմակերպուած «Սարդարապատէն Արցախ» խորագիրով համահայկական շարադրութեան եւ նկարչութեան մրցոյթներու ամփոփման հանդիսաւոր արարողութիւնը տեղի ունեցաւ Յունիս 27-ին: Ինչպէս կը հաղորդէ «Հայերն այսօր»-ը, մրցոյթներուն մասնակցած են Հայաստանի, Արցախի հանրակրթական ուսումնական հաստատութիւններու եւ Սփիւռքի հայկական կրթօճախներու սաներ:
Աշխարհի 27 երկրի հայկական կրթօճախներու դպրոցականները ներկայացուցած էին 230 աշխատանք` 123 շարադրութիւն եւ 107 նկար: Մրցութային յանձնաժողովները ներկայացուած հարիւրաւոր աշխատանքներէն ընտրած են 20-ական մրցանակային լաւագոյնները` Հայաստանէն, Արցախէն եւ սփիւռքէն, որոնք ընդգրկուած են «Սարդարապատէն Արցախ: Շարադրութիւններ, նկարներ» ժողովածուին մէջ: Յաղթող ճանչցուած դպրոցականներուն ողջունեց կրթութեան եւ գիտութեան նախարարի տեղակալ Արեւիկ Անափիոսեան: Ան մեծ գովեստով խօսեցաւ երեխաներու ստեղծագործական աշխատանքներուն մասին,որոնց ոգեշնչման աղբիւրն էր հայ ժողովուրդին համար պատմական խոշոր նշանակութիւն ունեցող իրադարձութիւններու յոբելենական 100-ամեակը:
Հանդիսաւոր ձեռնարկին կը մասնակցէին մրցանակակիրներ Իրանէն, Լիբանանէն եւ Քուէյթէն:
Կից «Հայերն այսօր»-ը կը ներկայացնէ «Սարդարապատէն Արցախ» խորագիրով համահայկական շարադրութեան եւ նկարչութեան մրցոյթներու մրցանակակիր սփիւռքահայ դպրոցականներուն:
Շարադրութիւն
- Քէօշկերեան Գառնի, Լիբանան, Պէյրութ
- Զատիկեան Նուշիկ, Լիբանան
- Մակարեան Կարինէ, Վրաստան, Ախալքալաք
- Նազարեան Նոյ, Իրան, Թեհրան
- Քէշիշեան Հայարփի, Իրան, Թեհրան
- Պապողլեան Կարապետ, Գանատա
- Սալխանեան Վարդի, Լիբանան
Նկարներ
- Քահքէճեան Քրիսթինա, Քուէյթ
- Մանուէլեան Կարէն, Քուէյթ
- Ատուրեան Շաղիկ, Քուէյթ
- Գուզույեան Յովիկ, Քուէյթ
- Կենջոյեան Մարիելլա, Քուէյթ
- Մովսէսեան Մարիանա, Քուէյթ
- Ռոստոմեան Քարոլին, Իրան, Թեհրան
