Երեքշաբթի, 18. 02. 2025

spot_img

Խմբագրատանս մէջ – ՀՀ Սփիւռքի Նախարարութեան Լիբանան Գործուղղուած Աշխատակիցներուն Հետ

ՊԷՅՐՈՒԹ, ԶԱՐԹՕՆՔ: «Զարթօնք»-ի խմբագրատան մէջ երէկ՝ Երեքշաբթի, 26 Յունիս 2018-ի առաւօտեան ուրախ եղանք հիւրընկալելու Հայաստանի Հանրապետութեան Սփիւռքի նախարարութեան հայրենադարձութեան եւ հետազօտութիւններու բաժինի պետ Էլիզ Գէորգեանն ու տեղեկատուութեան եւ հեռահաղորդակցութեան բաժինի աշխատակից Սոնա Մկրտչեանը:

Մեր յարգելի հիւրերէն իմացանք, որ իրենք Լիբանան կը գտնուին Հայկազեան համալսարանին հետ ՀՀ Սփիւռքի նախարարութեան համագործակցութեան ծրագիրի ծիրէն ներս:

Հանդիպումը առիթ մըն էր մեր հիւրերուն ծանօթացնելու լիբանանահայ մամուլի եւ ի մասնաւորի «Զարթօնք»-ի աւելի քան 80-ամեայ երթը: Անդրադարձանք վերջերս Երեւանի մէջ կայացած լրագրողներու համահայկական 9-րդ համագումարին, անոր կարեւորութեան, հեռանկարներուն եւ մարտահրաւէրներուն:

Մեր հիւրերուն հետ մեր զրոյցին առանցքը հանդիսացաւ  սփիւռքահայ լրատուադաշտի վերաբերող խնդիրները ընդհանրապէս եւ տպագիր մամուլի մարտահրաւէրները մասնաւորաբար:

Ուրախութեամբ իմացանք, որ ՀՀ Սփիւռքի նախարարութեան աշխատակիցներուն համար շատոնց ծանօթ էր «Զարթօնք»-ի անունն ու դերը հայկական իրականութեան մէջ: Հետաքրքրական էր լսել նաեւ, որ մեր կազմակերպութեան ակունքը հանդիսացող՝ Արմենական կուսակցութեան ներշնչման աղբիւր «Արմենիա»-ի պարբերաթերթի խմբագիր Մկրտիչ Փորթուգալեանի կեանքն ու գործը մեր հիւրերէն՝ պատմական գիտութիւններու թեկնածու Էլիզի Գէորգեանին ուշադրութեան առարկան եղած է իր ակադեմական ուսումնասիրութիւններուն ընթացքին:  

Աւարտին կը մնար շնորհակալութիւն յայտնել մեր հիւրերուն լիբանանաեան հայասփիւռքը բծախնդրօրէն ուսումնասիրելու իրենց աշխատանքին համար, ինչպէս նաեւ Հայկազեան համալսարանին, որ արդէն երրորդ տարին է նման նախաձեռնութիւնով առիթը կու տայ ՀՀ Սփիւռքի նախարարութեան իր աշխատակիցներուն միջոցաւ մօտէն առնչուելու եւ լաւապէս ճանչնալու լիբանանահայութիւնը:

«Խմբ

 

 

spot_img

ՆՄԱՆ ՆԻՒԹԵՐ

spot_img
spot_img

ՎԵՐՋԻՆ ՅԱՒԵԼՈՒՄՆԵՐ

spot_img

Ara D. Kassabian CPA, based in Glendale, California, provides a full range of tax preparation, accounting and bookkeeping services, either in your facility or at our location. Making it quick and easy to file your taxes.

spot_img

Զօրակցիր Զարթօնք Օրաթերթին