Հաւաքածոներ ունեցող, «Կորչաքովներու իշխանական տան» ղեկավար իշխան Անտրէյ Կորչաքով-Ապամելիքովը Ուքրանիոյ մէջ Հայաստանի արտակարգ եւ լիազօր դեսպան Անդրանիկ Մանուկեանի հետ հանդիպման ժամանակ խոստացած է իր հաւաքածոյէն 20 կտաւ նուիրել Հայաստանին: Այս մասին ֆէյսպուքեան իր էջին մէջ գրած է դեսպան Մանուկեան:
«Բացի այն, որ ան կը համարուի հայկական իշխանական Ապամելիքովներու տոհմի ներկայացուցիչ, ան նաեւ ամբողջ հոգիով կ’երկրպագէ Հայաստանին: Յայտնի նկարիչներու կտաւներու բաւական լայն հաւաքածոյ ունենալով եւ ոգեշնչուելով Հայաստանի մէջ տեղի ունեցած փոփոխութիւններով ու Առաջին Հանրապետութեան 100-ամեակով` ան որոշած է իր հաւաքածոյէն 20 կտաւ նուիրել Հայաստանին:
«Բանակցութիւններու արդիւնքով նաեւ պայմանաւորուեցանք, որ հետագային Անտրէյ իր ամբողջ հաւաքածոն պիտի կտակէ Հայաստանի թանգարաններուն»,- կը գրէ դեսպանը:
